काठमाडौं । संस्कृति स्कुलले यो वर्ष पनि विश्व संगीत दिवस मनाएको छ । कुटुम्ब ब्यान्डको सहकार्यमा संस्कृति स्कुलले ‘स्कुल टु स्कुल’ नामक क्याम्पेन गरेको हो ।

यो क्याम्पेन जाजरकोटका विद्यार्थीलाई आवश्यक शैक्षिक सामग्री उपलब्ध गराउन समर्पित रहेको स्कुलले जानकारी गराएको छ ।

विश्वभर जुन २१ मा संगीत दिवस मनाइन्छ । उक्त दिन संस्कृति विद्यालयमा प्रसिद्ध नेपाली ब्यान्ड कुटुम्बले आफ्नो विशेष प्रस्तुति दिएको थियो ।

यो पहलमा विद्यार्थी, अभिभावक र कर्मचारीले विभिन्न स्टेसनरी सामग्री प्रदान गरेर समर्थन गरेका थिए । उक्त स्कुलले यो योजनाका निम्ति ५० हजार रुपैयाँ प्रदान गरेरको छ ।