site stats
बाह्रखरी :: Baahrakhari
खेल
Global Ime bankGlobal Ime bank
युरो–२०२४ : पोर्चुगल र बेल्जियमको जित

काठमाडौं । युरो–२०२४ अन्तर्गत शनिबार राति भएका खेलमा पोर्चुगल र बेल्जियमले जित निकालेका छन् ।

शनिबार रातिको पहिलो खेलमा पोर्चुगलले टर्कीयाविरुद्ध ३–० को सहज जित निकालेको हो । पोर्चुगललाई जित दिलाउन बर्नार्डो सिल्भा र बु्रनो फर्नान्डेजले गोल गरे । पोर्चुगलले अर्को एक गोल भने टर्कीयाका समेत अकायदिनबाट आत्मघाती उपहार पाएका थिए ।

खेलको २१औँ मिनेटमा सिल्भाको गोलमा पोर्चुगलले अग्रता बनाएको थियो । २८औँ मिनेटमा अकायदिनबाट आत्मघाती गोल पाएपछि पोर्चुगलले अग्रता दोब्बर बनायो । यस्तै, ५५औँ मिनेटमा फर्नान्डेजले गोल गरेपछि पोर्चुगलले ३–० को जित सुनिश्चित गरेको हो ।

जितसँगै दुई खेलबाट ६ अंक जोडेको पोर्चुगल समूह ‘एफ’ को शीर्ष स्थानमा उक्लिएको छ । समान खेलबाट तीन अंक जोडेको टर्कीया दोस्रो स्थानमा छ । यो समूहमा पोर्चुगल र टर्कीयासँग चेक गणतन्त्र र जर्जिया छन् ।

यस्तै, शनिबार राति नै भएको अर्को खेलमा बेल्जियमले रोमानियाविरुद्ध २–० को जित निकालेको हो । बेल्जियमको जितमा युरी तेइलेमान्स र केभिन डी ब्रुयनाले गोल गरे ।

खेलको दोस्रो मिनेटमा नै तेइलेमान्सको गोलमा बेल्जियमले अग्रता बनाएको थियो । ७९औँ मिनेटमा डी ब्रुयनाले गोल गरेपछि बेल्जियमले २–० को जित पक्का गरेको हो । जितसँगै दुई खेलबाट तीन अंक जोडेको बेल्जियम समूह ‘इ’ दोस्रो स्थानमा छ । समान खेलबाट तीन अंक नै जोडे पनि रोमानिया भने शीर्ष स्थानमा यथावत् छ ।

प्रकाशित मिति: आइतबार, असार ९, २०८१  १०:४७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro