काठमाडौं । सन् २०२४ का लागि प्रवासीका लागि सबैभन्दा महंगाे १० सहरको नाम सार्वजनिक गरिएको छ । मर्सर कस्ट अफ लिभिङ सर्भेले गरेको अध्ययनका अनुसार सो सूची सोमबार सार्वजनिक गरिएको हो । 

ती सहरमा हङकङ (चीन), सिंगापुर (सिंगापुर), जुरिच(स्वीजरल्यान्ड), जेनेभा (स्वीजरल्यान्ड), बसेल (स्वीजरल्यान्ड), बर्न(स्वीजरल्यान्ड), न्युयोर्क (अमेरिका), लन्डन (बेलायत), नासाउ (द बहामास) र लस एञ्जेल्स (अमेरिका)  छन् ।

अध्ययनका क्रममा विश्वका २२६ सहरका करिब २०० आइटमको मूल्य अध्ययन गरेको जनाइएको छ । जसमा यातायात, खाद्यान्न, कपडा, घरेलु सामग्री र मनोरञ्जनजस्ता विषयलाई अध्ययन र तुलनाको आधार सूची बनाइएको जनाइएको छ ।  सीएनएन