site stats
बाह्रखरी :: Baahrakhari
राजनीति
Global Ime bankGlobal Ime bank
एकीकृत समाजवादीले सर्वसम्मतिमा नेतृत्व चयन गर्छ, जबज छाड्दैनौँ : माधव नेपाल
फाइल तस्बिर ।

कास्की । नेकपा (एकीकृत समाजवादी) का अध्यक्ष एवं पूर्वप्रधानमन्त्री माधव नेपालले पार्टीको आसन्न १०औँ राष्ट्रिय महाधिवेशनले सर्वसम्मतिबाट नेतृत्व चयन गर्ने बताएका छन् ।

पार्टीको गण्डकी प्रदेश कमिटीको नवौँ पूर्ण बैठकलाई आज पोखरामा सम्बोधन गर्दै उनले महाधिवेशनका लागि एउटै दस्तावेज आएको र नेतृत्व पनि सर्वसम्मतरूपमा चयन गरिने र सर्वसम्मतका लागि आफू बाधक नबन्ने बताए ।

एकीकृत समाजवादीको राष्ट्रिय महाधिवेशन आगामी असार १६ देखि काठमाडौंमा हुँदै छ ।

“पार्टीको तल्ला कमिटी तथा सातवटै प्रदेश कमिटीहरूले सर्वसम्मत नेतृत्व चयन गर्न नेताहरूलाई आग्रह गरेका छन् । हामी कार्यकर्ताहरूको भावना अनुसार सर्वसम्मतरूपमा नेतृत्व चयन गर्नेछौँ,” उनले भने ।

अध्यक्ष नेपालले मदन भण्डारीले प्रतिपादन गरेको जनताको बहुदलीय जनवादको कार्यक्रमको सान्दर्भिकता अझै पनि उत्तिकै रहेको बताए ।

“कम्युनिस्ट पार्टीभित्र लोकतान्त्रिक प्रतिस्पर्धा हुने, कामको श्रेष्ठताको आधारमा नेतृत्वमा पुग्ने लगायतका विषय सान्दर्भिक छन् । जबज पार्टीको कार्यक्रम हो,” अध्यक्ष नेपालले भने । रासस

प्रकाशित मिति: मंगलबार, जेठ २९, २०८१  २२:५१
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro