site stats
बाह्रखरी :: Baahrakhari
राजनीति
Global Ime bankGlobal Ime bank
ओलीलाई माधव नेपालले भने– मुर्मुरिने काम गर्नु हुँदैन
फाइल तस्बिर ।

काठमाडौं । नेकपा (एकीकृत समाजवादी)का अध्यक्ष एवं पूर्वप्रधानमन्त्री माधवकुमार नेपालले नेकपा (एमाले)सँग तत्काल पार्टी एकताको सम्भावना नरहेको बताएका छन् । एकीकृत समाजवादीको कोसी प्रदेश कमिटीद्वारा शनिबार काठमाडौंमा आयोजित प्रशिक्षण कार्यक्रममा उनले यस्तो बताएका हुन् ।

उनले विगतको कुरा छोडेर कुनै समीक्षा नगर्दा पनि एमालेसँग तत्काल एकताको सम्भावना नरहेको स्पष्ट पारे । एकताका निम्ति एमालेले पनि चाहना देखाउन आवश्यक रहेको उनले बताए ।

“...हिजोको कुरा पनि बिर्सौँ ठिक छ, तर अहिले एमालेसँग एकताको कुनै सम्भावना देखिएन,” उनले भने, “विगतको समीक्षा नगर्दा पनि त्यो देखिएको छैन । किनभने, चाहना त हुनुपर्छ नि ।”

उनले एमालेका अध्यक्ष केपी शर्मा ओलीलाई आफ्नो पार्टीप्रति सकारात्मक हुन आग्रह गरे । आफ्नो पार्टीप्रति प्रधानमन्त्री पुष्पकमल दाहाल ‘प्रचण्ड’ सकारात्मक रहेको उनको भनाइ थियो ।

“...मैले केपी ओली कमरेडसँगको भेटमा भनेको थिएँ– ल हेर्नुस्, प्रचण्डजीको भूमिका पोजेटिभ छ, तपाईंको पनि यस्तै पोजेटिभ हुनुपर्छ । उहाँ सुनेर बस्नुहुँदो रहेछ ज्यादा । चित्त नबुझेर होला, भित्रभित्रै मुर्मुरिएर पनि होला । मुर्मुरिने काम गर्नु हुँदैन ।”

समाजवादी मोर्चाको पुनर्गठन गरेर अघि बढ्ने सोच आफूहरूको रहेको उनले बताए । राष्ट्रका आवश्यकताको पहिचान गरेर अघि बढ्न जरुरी रहेको उनले उल्लेख गरे । न्युज एजेन्सी नेपाल

प्रकाशित मिति: शनिबार, जेठ २६, २०८१  १५:२०
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro