काठमाडौं । चलचित्र ‘शिरफूल’को ट्रेलर सार्वजनिक भएको छ । कमल एक्चै मगरको निर्देशन रहेको चलचित्रको ट्रेलर सार्वजनिक गरिएको हो । 

चलचित्रमा रुपा राना, राज थापा, मरिष्का पोखरेल, देवराज आले मगर, विनिता थापामगरलगायत कलाकारको अभिनय छ । 

चलचित्रमा देवराज आले मगरको कथा, राज थापा र राजु युगिनको पटकथा तथा संवाद छ । श्री श्रेष्ठको एक्सन, निरोज श्रेष्ठको छायांकन र मिलन श्रेष्ठको सम्पादन छ । चलचित्रका निर्माता आशिर्वाद पुन मगर हुन् भने माया छन्त्याल पुन सह–निर्माता हुन् ।

चलचित्र असार ७ गते रिलिज हुनेछ ।