नयाँ दिल्ली । भारतको हैदरावाद लोकसभा सिटबाट चर्चित मुस्लिम नेता तथा एआईएमआईएमका प्रमुख असदुद्धिन ओवैसीले अग्रता हासिल गरेका छन् । 

भारतीय निर्वाचन आयोगको वेबसाइटका अनुसार मध्याह्न १२ बजेसम्म उनले दुई लाख ३५ हजार ७३० मत पाएका छन् ।

भारतीय जनता पार्टी (भाजपा)की माधवी लताले एक लाख ७५ हजार ९१० मत पाएकी छन् । ओवैसी ६० हजार मतले आफ्ना प्रतिद्वन्द्वीभन्दा अगाडि रहेका छन् ।

ओवैसी सन् २००४ देखि नै सो निर्वाचन क्षेत्रबाट सांसद रहँदै आएका छन् । बीबीसी