काठमाडौं । गायिका समीक्षा अधिकारी अस्ट्रेलिया पुगेकी छन् । कार्यक्रमको सिलसिलामा समीक्षा अस्ट्रेलिया पुगेकी हुन् । 

समीक्षा आफैँले आफू अस्ट्रेलिया आइपुगेको भन्दै सामाजिक सञ्जाल फेसबुकमा तस्बिर पोष्ट गरेकी छन् । ‘शो ह्यापी टु वि इन सिड्नी फाइनल्ली,’ उनले फेसबुकमा लेखेकी छन् । 

केही समय अगाडि समीक्षालाई अस्ट्रेलियाले भिसा नदिएर ‘ब्ल्याकलिस्ट’मा राखेको समाचारहरू सार्वजनिक भएका थिए । उनले आफ्नो उमेर १८ वर्ष नपुगेका कारण दिदीलाई केयर टेकरका रूपमा लगेर अस्ट्रेलियामा छोडेर आएको आरोप लागेको थियो । 

यद्यपि, समीक्षाले उक्त आरोप अस्वीकार गर्दै आएकी थिइन् ।