काठमाडौं । ‘नन्दिनी अर्ग्यानिक मिस्टर एण्ड मिस एसईई सुपर मोडल २०२४’को उपाधि गौरव सिटौला र क्विन्सी श्रेष्ठले जितेका छन् । एभरेष्ट इभेन्ट्सद्वारा आयोजित तेस्रो संस्करणको प्रतियोगितामा उनीहरूले ९३ प्रतिस्पर्धीलाई उछिन्दै उपाधि जितेका हुन् ।

पुरुष र महिला गरी दुई भिन्न टाइटलका लागि भएको स्पर्धामा अवय खड्गी र जेसिका सिंह ठकुरी ‘फर्स्ट रनर अप’, विशेष श्रेष्ठ र मिमोसा राई सेकेन्ड रनर अप, शिशिर रेगामी मगर र एन्जल थापा मगर थर्ड रनर अप, सहारा लामा फोर्थ रनर अप भए ।

प्रतियोगितामा दीपसान्त नेपाली र कुसुम गुरुङ आयोजकको छनोटमा परे । आदित्य गौतम र अप्सना पन्त ब्रान्ड एम्बेस्डर, उक्रिसा मुधवारी ब्युटी विथ ब्रेन, निश्चल खत्री, रोजिना कार्की र रञ्जिता कर्माचार्य मस्ट पपुलर र कुसुम गुरुङ तथा छसुम राई भर्चुअल च्वाइस बनेको आयोजकले जारी गरेको प्रेस नोटमा उल्लेख छ । 

शीर्ष उपाधि विजेताहरूले उपाधिसँगै ५० हजार रुपैयाँ र स्मार्टफोन प्राप्त गरे । सेकेन्ड रनरअपसम्मका विजेताले बुद्ध एयरबाट पोखरा–काठमाडौंको हवाई टिकट र विश्वमञ्चमा नेपालको प्रतिनिधित्वको अवसर प्राप्त गर्नेछन् ।

प्रत्येक सहभागीले विज्ञान, व्यवस्थापन, मानविकी तहमा दश जोड दुई अध्ययनका लागि छात्रवृत्ति प्राप्त गरेका छन् । दुवै विजेताका लागि एभरेष्ट फिल्म एकेडेमीमा एक लाख रुपैयाँ बराबरको छात्रवृत्ति प्राप्त गरेको आयोजकले जनाएको छ ।