काठमाडौं । आठौँ प्रधानमन्त्री कप एनभीए महिला तथा पुरुष भलिबल लिगमा आज ६ खेल हुँदैछन् । नेपाल भलिबल संघको आयोजनामा त्रिपुरेश्वस्थित राष्ट्रिय खेलकुद परिषद् (राखेप)को कबर्डहलमा जारी प्रतियोगितामा शनिबार र आइतबार पनि महिला तथा पुरुषतर्फ ६ खेल भएका थिए ।

तेस्रो दिनअन्तर्गत महिलातर्फ विभागीय टोली नेपाल सशस्त्र प्रहरी बलको एपीएफ र कर्णाली खेलकुद विकास परिषद् भिड्नेछन् । यो खेल बिहान ८ बजे सुरु भएको छ । १० बजे हुने दोस्रो खेलमा एभरेस्ट भलिबल क्बलले अर्को विभागीय टोली नेपाल आर्मीको सामना गर्नेछ ।

पुरुषतर्फ १२ बजे विभागीय टोली नेपाल पुलिस क्लब र बूढानीलकण्ठ भलिबल क्लब भिड्नेछन् । उक्त खेल सकिएपछि हेल्प नेपाल स्पोर्ट्स क्लब र सुदूपश्चिम स्पोर्ट्स क्लबबीच प्रतिस्पर्धा हुनेछ ।

अपराह्न ४ बजे विभागीय डर्बीमा आर्मी र एपीएफ भिड्नेछन् । दिनको अन्तिम प्रतिस्पर्धामा भने गण्डकी प्रदेश भलिबल एसोसिएसन र कोसी प्रदेश खेलकुद विकास बोर्डबीच हुनेछ । यो खेल बेलुका ६ बजेबाट सुरु हुनेछ ।