भक्तपुर । राष्ट्रिय प्रजातन्त्र पार्टी (राप्रपा)को भक्तपुर जिल्ला कार्यसमितिको अध्यक्षमा अर्जुन कार्की निर्वाचित भएका छन् । शनिबार सम्पन्न पार्टीको नवौँ जिल्ला अधिवेशनबाट उनको अध्यक्षतामा २४ सदस्यीय नयाँ कार्यसमिति चयन गरिएको हो ।

अध्यक्षमा निर्वाचित कार्कीले १९५ मत पाए । उनका निकतम प्रतिद्वन्द्वी रामशरण लामिछानेले ९२ मत प्राप्त गरे ।

पदाधिकारी तोक्ने र अरू ६ सदस्य मनोनयन गरेर ३१ सदस्यीय जिल्ला कार्यसमिति बनाउने निर्णय गरिएको राप्रपाका सहमहामन्त्री रवीन्द्रप्रताप शाहले जानकारी दिए । रासस