site stats
बाह्रखरी :: Baahrakhari
खेल
Global Ime bankGlobal Ime bank
ट्वान्टी–२० शृंखलामा टेस्ट राष्ट्र बंगलादेशविरुद्ध अमेरिकाको जित

काठमाडौं । तीन खेलको ट्वान्टी–२० शृंखलाको पहिलो खेलमा अमेरिकाले टेस्ट राष्ट्र बंगलादेशविरुद्ध पाँच विकेटको जित निकालेको छ । मंगलबार भएको खेलमा बंगलादेशले प्रस्तुत गरेको १५४ रनको लक्ष्य अमेरिकाले १९.३ ओभरमा पाँच विकेट गुमाएर पूरा गर्‍याे ।

अमेरिकाको जितमा कोरी एन्डर्सनले ३४ रन बनाए । हर्मित सिंहले ३३, स्टेभन टेलरले २८, एन्ड्रियस गोउसले २३ र कप्तान मोनांक पटेलले १२ रन बनाए ।

बंगलादेशका मुस्ताफिजुर रहमानले दुई विकेट लिए । सोरिफुल इस्लाम र रिसाद हुसैनले समान एक विकेट हात पारे । त्यसअघि टस हारेर ब्याटिङमा आएको बंगलादेशले निर्धारित २० ओभरमा ६ विकेट गुमाएर १५६ रनको योगफल खडा गरेको थियो ।

बंगलादेशका तोहिद ह्रदोयले ५८ रन बनाएका थिए । महमुदुल्लाहले ३१, सौम्य सरकारले २० र लिटोन दासले १४ रन बनाए । अमेरिकाका स्टेभन टेलरले दुई विकेट लिए । सौरब नेत्रवाल्कर, अली खान र जेसी सिंहले समान एक विकेट हात पारे ।

जितसँगै तीन खेलको शृंखलामा अमेरिकाले १–० को अग्रता बनाएको छ । यी दुई टिमबीचको दोस्रो खेल बिहीबार र अन्तिम खेल शनिबार हुनेछ ।
 

प्रकाशित मिति: बुधबार, जेठ ९, २०८१  ०९:५१
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro