काठमाडौं । नेकपा (माओवादी केन्द्र)का सांसद देवेन्द्र पौडेलले प्रधानमन्त्रीले संवैधानिक व्यवस्थाअनुसार विश्वासको मत लिँदा कांग्रेसले नाराजुलुस गर्नु स्वभाविक नभएको बताएका छन् । 

सोमबार संसद् भवन बाहिर सञ्चारकर्मीहरूसँग प्रतिक्रिया दिँदै पौडेलले यस्तो बताएका हुन् । उनले प्रधानमन्त्रीले संवैधानिक प्रक्रियाअनुसार विश्वासको मत लिएको पार्टीले विश्वासको मत फिर्ता लिएपछि विश्वासको मत लिन नदिनु लोकतन्त्रविपरीत भएको टिप्पणी गरे । 

उनले सरकारले सहकारीपीडितहरूको समस्या समाधान गर्न समिति बनाउन तयार हुँदाहुँदै पनि कांग्रेस सहमति बाहिर गएको बताए । सरकारले नीति कार्यक्रम पास गरी बजेट ल्याउनैपर्ने व्यवस्था रहेको बताए । 

“सरकारले सहकारीपीडितहरूको समस्या समाधान गर्न समिति बनाउन सरकार तयार हुँदाहुँदै पनि आइतबार कांग्रेसले उल्लंघन गर्नुभयो । आज हामी यो ठाँउमा पुग्यौँ । फेरि पनि सरकारले बजेट पनि ल्याउनै पर्नेछ । नीति तथा कार्यक्रम पनि ल्याउनै पर्ने यता प्रधानमन्त्रीलाई राजनीतिक दलले दिएको विश्वासको मत फिर्ता दिएपछि कानुनी व्यवस्था अनुरुप प्रधानमन्त्रीले एक महिनाभित्र विश्वासको मत लिनु पर्ने कानुनी प्रावधान रहेको छ । सरकारको दिन गन्ती सुरु भएको छैन,” उनले भने । 

उनले सरकारले नीति तथा कार्यक्रम र बजेट पास गर्न सरकारले सबैसँग सहमतिको उपाय खोज्ने बताए ।