काठमाडौं । इन्डोनेसियामा आएको बाढीबाट मृत्यु हुनेको संख्या ५७ पुगेको छ । अन्य २२ जना अझै बेपत्ता भएको बताइएको छ । 

पश्चिम सुमात्रा प्रान्तको विपद् व्यवस्थापन र न्यूनीकरण एजेन्सीको पुनःस्थापना र पुनर्निर्माण इकाईका प्रमुख इल्हाम वहाबले बेपत्ता भएका २२ जनाको खोजी भइरहेको बताए ।

यस क्षेत्रमा धेरै शव फेला परेको बताइएको छ । शनिबार राति आएको चिसो लाभा बाढीले तनह दातार, आगम र परियामान र पडाङ पञ्जाङ नगरका घर, भवन, सडक र अन्य पूर्वाधारमा क्षति पुर्‍याएको छ । सिन्ह्वा/न्युज एजेन्सी नेपाल