काठमाडौं । कार्लो एन्सेलोट्टीको प्रशिक्षणमा रहेको रियाल मड्रिडले चार खेलअगावै स्पेनिस ला लिगाको उपाधि जितेको छ ।

शनिबार भएको खेलमा रियालले कार्डिजलाई ३–० ले हराएको थियो । त्योसँगै ८७ अंक जोडेको रियाललाई चार खेलअगावै लिग जित्न बार्सिलोनाले हार्नुपर्ने समीकरण थियो । शनिबार राति नै भएको खेल बार्सिलोना जिरुनासँग ४–२ ले पराजित भएपछि रियालले लिग उपाधि पक्क्का गरेको हो ।

लिग लिडर रियालले ३४ खेल खेल्दा २७ मा जित, ६ बराबर र एक हारको नतिजासहित ८७ अंक जोडेको हो । बार्सिलोनाविरुद्ध जित निकालेको जिरुना समान खेलबाट ७४ अंकसहित तालिकाको दोस्रो स्थानमा उक्लिएको छ । जिरुनाले क्लबको इतिहासमै पहिलोपटक च्याम्पियन्स लिगमा स्थान समेत निश्चित गरेको छ ।

रियाल र जिरुनाभन्दा पछाडि रहेको बार्सिलोनाको ३४ खेलबाट ७३ अंक छ ।