काठमाडौं । इलाम–२ मा १६ उमेदवारको जमानत जफत भएको छ । १९ जना उमेदवार रहेकामा १६ उमेदवारले जमानत जोगाउन नसकेका हुन् । 

जमानत जफत हुनेमा राष्ट्रिय स्वतन्त्र पार्टी (रास्वपा), नेकपा एकीकृत समाजवादीलगायत उमेदवार छन् । राष्ट्रिय प्रजातन्त्र पार्टी, जनमत पार्टी, नेपाल मजदुर किसान पार्टी, मंगोल नेशनल अर्गनाइजेशनलगायतको पनि जमानत जफत भयो । 

निर्वाचनमा जमानत जोगाउन कुल सदर मतको १० प्रतिशत मत ल्याउनु पर्छ । इलाम–२ मा ६८ हजार ४७२ मत सदर भएको थियो । ६९ हजार ३७४ मत खसेकोमा ९०२ मत बदर भएको जिल्ला निर्वाचन आयोगको कार्यालयले जनाएको छ । 

रास्वपाका उमेदवार मिलन लिम्बूले पाँच हजार ५० मत ल्याए भने नेकपा एकीकृत समाजवादीले ४०८, राप्रपाले ४०४, जनमत पार्टीले ११८, जनमत पार्टीले ३३, जनमत पार्टीले ३३ मत प्राप्त गरे । 

इलाम–२ नेकपा (एमाले), नेपाली कांग्रेस र पहिचानवादी स्वतन्त्र उमेदवारको मात्रै जमानत जोगिएको हो । जसमध्ये नेकपा (एमाले)का सुहाङ नेम्वाङ निर्वाचित भएका छन् । नेपाली कांग्रेसका उमेदवार डम्बर खड्कालाई पराजित गर्दै उनी प्रतिनिधिसभा सदस्य पदमा निर्वाचित भएका हुन् ।

नेम्वाङले निकटतम प्रतिस्पर्धी कांग्रेसका खड्कालाई पाँच हजार ८३० मतान्तरले पराजित गरेका हुन् । विजयी नेम्वाङले २७ हजार ७७२ मत प्राप्त गरे । दोस्रो स्थानमा रहेका खड्काले २१ हजार ९४२ मत प्राप्त गरे ।

तेस्रोमा पहिचानवादी स्वतन्त्र उमेदवार डकेन्द्रसिंह थेगिमले ११ हजार ४५७ मत पाए । 

२०८० भदौ २६ गते एमालेका नेता तथा संविधानसभा अध्यक्ष सुवासचन्द्र नेम्वाङको निधन भएपछि यो क्षेत्रमा वैशाख १५ मा उपनिर्वाचन भएको हो ।