काठमाडौं । वेस्ट इन्डिज ‘ए’विरुद्धको दोस्रो ट्वान्टी–२० खेलमा नेपालले पहिलो ब्याटिङ पावर प्लेमा चार विकेट गुमाएको छ ।

आइतबार कीर्तिपुरस्थित त्रिवि क्रिकेट मैदानमा वेस्ट इन्डिजले दिएको १६१ रनका लक्ष्य पछ्याइरहेको नेपालले पहिलो ब्याटिङ पावर प्ले (६ ओभर)मा २८ रन बनाउँदा चार विकेट गुमाएको हो ।

नेपालले लोकश बमलाई व्यक्तिगत १७, कुशल भुर्तेललाई दुई, अनिल साहलाई एक र कुशल मल्ललाई शून्यमा गुमायो ।

त्यसअघि, टस जितेर ब्याटिङमा उत्रिएको वेस्ट इन्डिजले निर्धारित २० ओभरमा सात विकेट गुमाएर १६० रन बनाएको थियो ।