मस्को । रुसको एक अदालतले ‘फेक न्युज’ लेखेको अभियोगमा फर्बीजका पत्रकार सर्गेई सेर्गेलाई घरमै नजरबन्दमा राख्न आदेश दिएको छ । उनीमाथि रुसी सेनाविरुद्ध फेक न्युज लेखेको अभियोग लगाइएको छ ।
रुसी सरकारी समाचार एजेन्सी आरआईले जनाएअनुसार, उनी करिब दुई महिनासम्म घरमै नजरबन्दमा रहनेछन् । उनका वकिलका अनुसार, बुचा (युक्रेन)मा आयोजित एउटा कार्यक्रमको ‘रिपोस्ट’ गरिएको उनीमाथि आरोप छ ।
उनको टेलिग्राम च्यानलमा सो आर्टिकल छापिएका बेला ४७६ सब्सक्राइबर रहेका थिए । उनीमाथि जानीजानी गलत विषय फैलाएको अभियोग लगाइएको छ ।
बुचा सहर युक्रेनी सेनाले सन् २०२२ मार्चमा मुक्त गरिएको जनाएको थियो । रुसी सेनाले सो क्षेत्रमा सर्वसाधारणको हत्या गरेको आरोप युक्रेनी पक्षले लगाएको छ । क्रेमलिनले त्यसको खण्डन गर्दै आएको छ ।
ती पत्रकारको घरमा इन्टरनेट बन्द गरिनुका साथै आफन्त, अनुसन्धाता, वकिल र मेडिकल सहयोगीबाहेक अरूसँग सम्पर्क गर्न दिइएको छैन । सीएनएनबाट ।
