काठमाडौं । नक्कली लाइसेन्स प्रकरणको अनुसन्धान थालेको प्रहरीको केन्द्रीय अनुसन्धान ब्युरो (सीआईबी) ले शंकास्पद यातायात व्यवस्था विभागका कर्मचारीलाई पक्राउ गर्न थालेको छ ।

नक्कली लाइसेन्स प्रकरणमा मुछिएका यातायात व्यवस्था विभागका कम्प्युटर इञ्जिनियर हरिश भट्ट र शाखा अधिकृत सुरज अर्याल पक्राउ परेका हुन् । 

नक्कली लाइसेन्स प्रकरण : सीआईबीले थाल्यो अनुसन्धान

उनीहरुलाई थुनामा राखेर अनुसन्धान गर्न म्याद थपका लागि सीआईबीले जिल्ला अदालत काठमाडौं लगेको छ । यातायात व्यवस्था विभागकै कर्मचारीको मिलेमतोमा  एकलाख भन्दा बढी लाइसेन्स गैरकानुनी तरिकाले वितरण गरेको खुलेको थियो ।

शंकास्पद नक्कली लाइसेन्स : कहाँबाट कति बाँडिए ? (विवरणसहित)

लाइसेन्स वितरणमा अनियमितताको उजुरी परेपछि यातायात व्यवस्था विभागले सूचना प्रविधि निर्देशक मुकेश रेग्मीको नेतृत्वमा छानबिन समिति नै बनाएको थियो ।  सोही समितिको प्रतिवेदन पछि यातायात मन्त्रालयले सीआईबीलाई तीन महिनाअघि नै अनुसन्धान गर्न पत्रचार गरेको थियो ।

६ किसिमका शंकास्पद लाइसेन्स : जुनसुकै बेला प्रहरीले समात्न सक्छ !

सोही पत्राचारपछि अनुसन्धान थालेको सीआर्ईबीले पहिलो चरणमा विभागका कम्प्युटर इञ्जिनियर हरिश भट्टलाई पक्राउ गरेको हो ।  सीआईबी स्रोतले अब लाइसेन्स अनियमितता प्रकरणमा जोडिएका कर्मचारीलाई पक्राउ गर्ने प्रक्रिया थालिएको जनाएको छ ।

‘नक्कली लाइसेन्स प्रकरण’मा मुछिएका पूर्वमहानिर्देशक अहिले कुन भूमिकामा छन् ?

“अब अनियमितता प्रकरणको हाम्रो दोस्रो अभियान पक्राउ गर्न अपरेशन चलाएका हौं । उनीहरुबाहेक पनि अन्य पक्राउ गुर्न पर्ने यातायातकै कर्मचारीदेखि विचौलियाहरु पनि लिस्टमा छन्,” सीआईबी स्रोतले भने । 

कुन महानिर्देशकले कति बाँडे लाइसेन्स, ८ लाख अझै नक्कली रहेको आशंका