काठमाडौं । काठमाडौं महानगरपालिकाभित्र पर्ने रुद्रमती नदी अर्थात (धोबीखोला)को सरसफाइको काम यतिबेला धमाधम चलिरहेको छ । फागुन २० बाट १० जना सरसफाइकर्मीबाट अनौपचारिक रूपमा सरसफाइ अभियान सुरुभएको धोबी खोलाको चैत १८ गतेबाट ५५ जनाबाट औपचारिक रूपमा खोलाको सरसफाइ अभियान सुरुआत भएको हो ।

यतिखेर काठमाडौं महानगरपालिकाले बिदाबाहेक हरेक दिन ७ देखि १ बजेसम्म धोबीकोलाको सरसफाइ गर्ने गरेको छ । अभियानको एक महिना पुग्नै लाग्दा करिब किलोमिटर धोबीखोलाको सरसफाइ महानगरले गरिसकेको छ । स्वर्णिम योजना अन्तरर्गत धोबी खोला सफाइ अभियान थालेको हो ।

काठमाडौं महानगरले तीन महिनाका लागि ज्यालादारी कामदारहरूसँग दिनको १२ सय रुपैयाँ दिएर सरसफाइमा खटाएको सरसफाइ अभियानका सुपरभाइजर सागर लुइँटेलले जानकारी दिए । अहिलेसम्म करिब आठ किलोमिटर सफाइ गर्‍यौँ अबको दश दिनभित्र काठमाडौं महानगरभित्र पर्ने धोबी खोलाको सफाइ गरिसक्ने लक्ष्य रहेको सुपरभाइजर लुइँटेलले बताए ।

तस्बिरहरू