मेड्रिड । स्पेनका प्रधानमन्त्री पेड्रो सान्चेजले आफ्नी पत्नीका बारेमा अदालतले प्रारम्भिक अनुसन्धान थालेपछि सार्वजनिक काम निलम्बन गरेका छन् । उनले आफूले सरकारको नेतृत्व गरिरहने वा सम्मानपूर्वक त्याग गर्ने भन्नेबारेमा निर्णय गर्नुपर्ने भएको छ ।

अदालतले उनकी पत्नी बेगोना गोमेजले भ्रष्टाचार गरेको सम्बन्धमा गरिएको दाबीमा प्रतिक्रिया जनाइरहेको उल्लेख गरेको छ । प्रधानमन्त्रीले आफ्नी पत्नीले अदालतमा सोबारेमा प्रतिरक्षा गर्ने जनाएका छन् । उनले आउँदो सोमबार अर्थात् अप्रिल २९ सम्ममा के गर्ने भनेर आफूले निर्णय गरिसक्ने जनाएका छन् ।

भ्रष्टाचारविरोधी अभियन्ता मनोस लिम्पियाजले प्रधानमन्त्रीपत्नीको भ्रष्टाचार मामिलाबारे यसअघि आवाज उठाएका थिए । प्रधानमन्त्री सान्चेजले आफूलाई हतोत्साहित गर्ने रणनीतिअन्तर्गत एक महिनाअघि देखिआफू र आफ्नी पत्नीलाई लक्षित गर्ने काम भइरहेको जनाएका छन् । बीबीसीबाट ।