काठमाडौं । नेपाली कांग्रेसका सांसद टेकबहादुर गुरुङको निलम्बन फुकुवा भएको छ । सर्वोच्च अदालतले गुरुङलाई निलम्बन गर्नेसम्बन्धी संसद् सचिवालयको सूचना बदर गर्ने आदेश दिएपछि उनको निलम्बन फुकुवा भएको हो । 

भ्रष्टाचार मुद्दा खेपिरहेकै बेला गुरुङ ०७९ को निर्वाचनमा निर्वाचित भएका थिए । अख्तियार दुरुपयोग अनुसन्धान आयोगको पत्रानुसार संसद् सचिवालयले ०७९ पुस १२ गते उनी निलम्बन भएको सूचना प्रकाशित गरेको थियो । 

सर्वोच्चले सो निलम्बनसम्बन्धी सूचना बदर गर्न आदेश दिएको हो । संसद् सचिवालयले त्यसबारे सूचना प्रकाशित गरी जानकारी गराएको छ । गुरुङको अब संसद् जाने बाटो खुलेको छ ।