site stats
बाह्रखरी :: Baahrakhari
खेल
Global Ime bankGlobal Ime bank
आर्सनल, लिभरपुल र सिटीमध्ये कसले जित्ला उपाधि ?

काठमाडौं । माइकल अर्टेटाको टोली आर्सनल शनिबार वुल्भ्सविरुद्ध २–० को जित निकाल्दै इंग्लिस प्रिमियर लिगको शीर्ष स्थानमा उक्लिएको छ । तर, अझै उपाधिमा म्यानचेस्टर सिटीकै प्रमुख दाबेदारी छ ।

लियान्ड्रो ट्रोसार्ड र मार्टिन ओडेगार्डको गोलप्रेरित आर्सनलले मोलिनेक्समा तीन अंक जोड्दै शीर्ष स्थान हासिल गर्‍यो । अर्टेटाको टोली अहिले दोस्रो स्थानको सिटीभन्दा एक र तेस्रो स्थानको लिभरपुलभन्दा तीन अंकले अगाडि छ । तर, शीर्ष स्थानपछिका यी दुवै टिमले आर्सनलभन्दा एक खेल कम खेलेका छन् ।

ओप्टाका अनुसार, सिटीले लगातार चौथोपटक प्रिमियर लिगको उपाधि जित्ने सम्भावना ६९.८ प्रतिशत छ । तीन अंकको एक खेल अझै बाँकी रहेकाले पनि उपाधिमा सिटीको प्रमुख दाबेदारी छ ।

आइतबार हुने फुलहमविरुद्धको खेलमा जित निकाले योगार्न क्लोपको टोली लिभरपुलले पनि दुई शीर्ष टोलीमाथि दबाब बढाउने निश्चित छ । लिभरपुलले फुलहमको भ्रमण गर्दा सिटीलाई फाल्मेर रंगशालामा ब्राइटनले आतिथ्यता प्रदान गर्दै छ ।

प्रिमियर लिगको तेहेरो उपाधि होडमा आउँदो साता जस्तो प्रतिस्पर्धा भए पनि यो वर्षको सबैभन्दा कडा प्रतिस्पर्धाका रूपमा रहनेछ ।

ओप्टाको भविष्यवाणीअनुसार, आर्सनलले वुल्भ्सविरुद्ध जित निकाल्नुअघि सिटीले प्रिमियर लिगको उपाधि जित्ने सम्भावना ७०.१ प्रतिशत थियो । तर, वुल्भ्सविरुद्ध उसैको मैदानमा आर्सनलले सहज निकालेपछि सिटीको यो सम्भावना घटेर ६९ प्रतिशतमा झरेको हो ।

ओप्टाका अनुसार, उपाधि होडको दोस्रो प्रमुख दाबेदार आर्सनलले प्रिमियर लिग जित्ने सम्भावना १७.७ प्रतिशत छ । यी दुई टोलीमाथि दबाब बढाइरहेको लिभरपुलको सम्भावना १२.५ प्रतिशत छ ।

कस्तो छ बाँकी खेलको सम्भावना ?
प्रिमियर लिगको उपाधि छिनोफानोका निम्ति अब अन्तिम ६ (आर्सनलको पाँच) खेल मात्र बाँकी छ । तेस्रो स्थानको लिभरपुलले आइतबार फुलहमविरुद्ध खेल्दै छ । जसमा पाहुना टिमको जित सम्भावना ५७ प्रतिशत छ । यसपछि क्लोपको टोलीले अप्रिल २४ मा एभर्टनविरुद्ध खेल्दै छ । जसमा जित सम्भावना ६२ प्रतिशत छ । लिभरपुलले अप्रिल २७ मा वेस्टहमविरुद्ध ५४, मे ५ मा टोटनहमविरुद्ध घरेलु मैदानमा ६१, मे ११ मा एस्टोन भिल्लाविरुद्ध अवेमा ४३ र मे १९ मा वुल्भ्सविरुद्ध ७४ प्रतिशत जितको सम्भावना बोकेको छ ।

प्रमुख दाबेदार सिटीले अप्रिल २५ मा ब्राइटन भ्रमण गर्दा जित सम्भावना ६७ प्रतिशत छ । त्यसको तीन दिनपछि नटिङ्घम फरेस्टविरुद्ध ७९ प्रतिशत, मे ४ मा वुल्भ्सविरुद्ध ८५, मे ११ मा फुलहमविरुद्ध ७३, मे १४ मा टोटनहमविरुद्ध ५८ र जारी सिजनको अन्तिम दिन मे १९ मा वेस्टहमविरुद्ध ८१ प्रतिशत जितको सम्भावना बोकेको छ सिटीले ।

आर्सनलले अब पाँच खेलमध्ये चेल्सीसँग घरेलु मैदानमा, टोटनहमविरुद्ध अवे, बर्नमाउटविरुद्ध घरमा, म्यानचेस्टर युनाइटेडविरुद्ध अवे र एभर्टनविरुद्ध घरेलु मैदानमा प्रतिस्पर्धा गर्नेछ । जसमा चेल्सीविरुद्ध ६४ प्रतिशत, टोटनमहविरुद्ध ४१, बर्नमाउथविरुद्ध ८०, म्यानचेस्टर युनाइटेडविरुद्ध ३९ र एभर्टनविरुद्ध ७९ प्रतिशत जितको सम्भावना रहेको ओप्टाले देखाएको छ ।

यसअघि कहिले थियो चर्को उपाधि होड ?
प्रिमियर लिगको इतिहासमा यसअघि धेरैपटक तीन टिमले ३८ खेलको सिजनमा उपाधिमाथि प्रबल दाबेदारी प्रस्तुत गरेका थिए ।

सन् २०१३–१४
सन् २०१४ को मे ६ सम्म लिभरपुल, सिटी र चेल्सीबीच जम्मा दुई अंकको अन्तर थियो । तर, चेल्सीसँग लिभरपुल २–० ले पराजित भएपछि सिटीले ८६ अंकसहित प्रिमियर लिगको उपाधि जित्यो । त्यस बेला दोस्रो स्थानको लिभरपुल ८४ र तेस्रो स्थानको चेल्सीले ८२ अंक जोड्दै सिजनको अन्त्य गरेका थिए ।

सन् २००१–०२
सन् २००२ को अप्रिल २३ मा आर्सनलले लिभरपुललाई एक अंकले पछि पार्दा म्यानचेस्टर युनाइटेड अझ एक अंकले पछाडि थियो । तर, लिभरपुलभन्दा एक खेल कम खेलेको आर्सनलले अन्तिमका आठ खेलमा शतप्रतिशत जित निकाल्दै सहजै प्रिमियर लिगको उपाधि जित्यो । आर्सनलले युनाइटेडलाई ओल्ड ट्राफोर्डमा नै हराएर लिगको उपाधि पक्का गरेको थियो ।

सन् १९९५–९६
उक्त सिजनको मध्यमार्चमा आठ खेल बाँकी हुँदा म्यानचेस्टर युनाइटेड र न्युक्यासल ६१ अंकसहित शीर्ष र दोस्रो स्थानमा थिए । यी दुईलाई पछ्याइरहेको लिभरपुल ५९ अंकसहित तालिकाको तेस्रो स्थानमा थियो । न्युक्यासलभन्दा दुई खेल धेरै खेलेको भए पनि सर एलेक्स फर्गुसनको युनाइटेडले केभिन किगान्सको टोलीलाई पछि पार्दै लिगको उपाधि जितेको थियो ।

समान अंकसहित सिजनको अन्त्य भए के हुन्छ ?
यदि, दुई वा तीन टिमले समान अंकसहित सिजनको अन्त्य गरे उपाधिको छिनोफानो गोलका आधारमा गरिनेछ । यदि, यी दुवै बराबर भए ‘हेड टु हेड’ र हेड टु हेडअन्तर्गत अवे गोल धेरै गरेका आधारमा स्थान छुट्ट्याइनेछ । 

(बीबीसीबाट अनूदित)

प्रकाशित मिति: आइतबार, वैशाख ९, २०८१  १५:४७
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro