काठमाडौं । रामेछापको पुरानो सदरमुकाम रामेछाप बजारमा नेपाल ग्रामीण चलचित्र महोत्सवको उद्घाटन गरिएको छ ।

बिहीबारबाट सुरु भएको महोत्सवको शुक्रबार श्री गौरीशंकर माध्यमिक विद्यालयमा रामेछाप नगरपालिकाका उपप्रमुख बालकुमारी कार्की र चलचित्र विकास बोर्डका पूर्वअध्यक्ष एवं निर्देशक दयाराम दाहालले महोत्सवको उद्घाटन गरेका हुन् ।

उपप्रमुख कार्कीले जिल्लामा एउटा पनि फिल्म हल नरहेको उल्लेख गर्दै कार्कीले फिल्म हल संचालन गर्ने भए नगरपालिकाले सकेको सहयोग गर्ने पनि बताइन् ।

महोत्सवमा चर्चित चलचित्र दिमाग खराब, नाङ्गो गाउँ, बुलाकी, बिच्छेद, सतीदेवी र डेसान निःशुल्क प्रदर्शन हुनेछन् । साथमा सर्ट फिल्म, डकुमेन्ट्री र विभिन्न भाषाभाषीका चलचित्रहरू पनि प्रदर्शन हुनेछन्  । महोत्सव शनिबार (आज)सम्म चल्नेछ ।