काठमाडौं । प्रतिनिधिसभा अन्तर्गत इलाममा २ मा हुने उपनिर्वाचनका लागि आज उमेदवारी दर्ता हुँदै छ । जिल्ला निर्वाचन कार्यालय इलामले दिएको जानकारी अनुसार उमेदवारी दर्ताका लागि दलहरूले समय लिएका छन् ।
 
प्राप्ता जानकारी अनुसार बिहान १० : ३० बजे स्वतन्त्र उमेदावर प्रदीप लिम्बूले उमेदवारी दर्ता गर्न समय लिएका छन् । बिहान ११ बजे अर्का स्वतन्त्र उमेदवार डाकप्रसाद गौतमले समय लिएका छन् ।
 
आयोगका अनुसार ११ : ३० बजे नेमकिपा‚ १२ बजे रास्वपा‚ १२ : ३० बजे मंगोल नेशनल अर्गनाइजेसनले समय लिएको छ । 

दिउँसो साढे १ बजे नेकपा एमाले‚२ बजे नेकपा माओवादी केन्द्र‚ २ : ३० बजे नेपाली कांग्रेस र ३ बजे राष्ट्रिय प्रजातन्त्र पार्टीको लागि समय छुट्याइएको छ । दिउँसो ३ : ३० बजे राष्ट्रिय प्रजातन्त्र पार्टी नेपालका लागि उमेदवारी समय तोकिएको छ । 

इलाममा एमाले नेता समेत रहेका सांसद सुवास नेम्वाङको निधनपछि उपनिर्वाचन हुन लागेको हो । उपनिर्वाचनअन्तर्गत वैशाख १५ गते मतदान हुनेछ ।