काठमाडौं । रामबाबु गुरुङ निर्देशित चलचित्र ‘डिग्री माइला‘को ट्रेलर सार्वजनिक भएको छ । ट्रेलरमा ग्रामीण भेगका स्कुल तथा क्याम्पसले भोग्ने दक्ष शिक्षकको अभावलाई देखाइएको छ ।

अंग्रेजी शिक्षक नहुँदा खारेजीको संघारमा रहेको एउटा क्याम्पस जोगाउनसक्ने एक मात्र पात्रका रूपमा दयाहाङ  प्रस्तुत छन् । क्याम्पसका शिक्षक र गाउँलेको अपेक्षालाई दयाहाङले गरेको उपेक्षा ट्रेलरमा समावेश छ । 

दयाहाङको अपोजिटमा अभिनेत्री आँचल शर्मा छिन् । दयाहाङले निर्देशन गरेको नाटकमा आधारित चलचित्रले वेरोजगारीको कथालाई पस्किनेछ ।

सिनेमालाई बाँसुरी फिल्मस्ले कबड्डी फिल्मस् तथा सुस्मा फिल्मस्सँग मिलेर निर्माण गरेको हो ।

दयाहाङ र आँचलसँगै विजय बराल, माओत्से गुरुङ, बुद्धि तामाङ, प्रकाश घिमिरे, ऋचा शर्मालगायतको अभिनय छ ।

चलचित्र आगामी चैत ३० गते रिलिज हुनेछ ।