काठमाडौं । राष्ट्रियसभाका सांसद एवं पूर्वउपप्रधानमन्त्री वामदेव गौतमले मुलुकको शासन प्रणालीमा आमूल परिवर्तन गर्नुपर्ने बताएका छन् । राजतन्त्रलाई अन्त्य गरेर संघीय लोकतान्त्रिक गणतन्त्र घोषणा गरिए पनि शासन, उत्पादन र निर्वाचन प्रणाली त्यही रहेकाले आमूल परिवर्तन आवश्यक रहेको उनले औँल्याए ।

शुक्रबार राष्ट्रियसभा बैठकमा उनले यी तीन क्षेत्रमा आमूल परिवर्तन नभएसम्म मुलुक अगाडि बढ्न नसक्ने बताए । सरकारले एक वर्षमा पूरा हुने गरी आउँदो आर्थिक वर्षको बजेटको प्राथमिकता नराखेको भन्दै उनले असन्तुष्टि समेत व्यक्त गरे ।

सांसद गौतमले बजेटको प्राथमिकता र सिद्धान्त १० वर्षमा पूरा गर्ने खालको भएकाले पनि यसको सान्दर्भिकता नभएको जिकिर गरे । न्युज एजेन्सी नेपाल