![सुहाङ नेम्वाङ एमालेको कानुन विभागमा मनोनीत](https://12khari.top/uploads/posts/Suhang-Nemwang-1710331744.jpg)
काठमाडौं । नेकपा (एमाले)ले दिवंगत सुवास नेम्वाङका छोरा सुहाङ नेम्वाङलाई कानुन विभागमा मनोनीत गरेको छ । पार्टीका महासचिव शंकर पोखरेलले विभागमा मनोनीत गरेको पत्र नेम्वाङलाई पठाएका छन् । पार्टीको २७औँ सचिवालय बैठकले नेम्वाङलाई मनोनीत गरेको हो ।
“सचिवालय बैठकले सुहाङ नेम्वाङलाई मात्रै होइन, अरू पनि विभागमा मनोनीत गरेको छ । त्यसबारे अब केही समयमा पठाइने अन्तरपार्टी निर्देशन (अपानि) मा समावेश गरिनेछ,” पार्टीका एक नेताले जानकारी दिए ।
इलाम क्षेत्र नम्बर २ मा वैशाख १५ गते हुने उपनिर्वाचन हुँदै छ । उपनिर्वाचनमा नेम्वाङले उमेदवार बन्न चाहेका छन् । उनले पार्टीमा त्यसका लागि निवेदन पनि दिइसकेका छन् । जिल्लाबाट सिफारिस भएर आएपछि मात्रै टिकट दिने/नदिने भन्ने निर्णय गरिने ती नेताले जानकारी दिए ।