काठमाडौं । काभ्रेपलाञ्चोकमा हत्या आरोपमा एक महिला पक्राउ परेकी छन् । नमोबुद्ध नगरपालिका–५, कानपुरकी ४० वर्षीया कमला परियारलाई शनिबार बिहान प्रहरीले नियन्त्रणमा लिएको हो ।

आफ्नै श्रीमान् ५९ वर्षीय धनवीर दमाईंको हत्या गरेको उनीमाथि आरोप छ । लट्ठी प्रहार गरी हत्या गरेको आरोपमा उनलाई पक्राउ गरिएको प्रहरी प्रधान कार्यालयले जानकारी गराएको छ ।

कमलाले मादकपदार्थ सेवन गरी लट्ठी प्रहार गर्दा धनवीरको मृत्यु भएको भन्ने खबरपछि प्रहरी टोली खटिएको थियो । घटनाबारे थप अनुसन्धान गरिरहेको प्रहरीले जनाएको छ ।