काठमाडौं । नेपालकै ठूलो मल्टिप्लेक्स क्यूएफएक्स चेनका सञ्चालक भाष्कर ढुंगानाले सिनेमाको मेरिटका आधारमा हलमा शो पाउने बताएका छन् । शो वितरणमा मेकर तथा विभिन्न पक्षबाट असन्तुष्टि आएपछि क्यूएफएक्स चेनका सञ्चालकमध्येका एक भाष्करले सिनेमा कस्तो छ त्यसका आधारमा शो उपलब्ध हुने बताएका हुन् ।
सिनेमाको निर्देशक र निर्माता को हो ? कलाकार को छ ? पब्लिसिटी र त्यसको असरको ट्रयाकरेकर्डका आधारमा शो उपलब्ध हुने गरेको उनले स्पष्ट पारेका छन् ।
नेपाली र हिन्दी सिनेमलाई शो वितरण गराउने आधार पनि यही भएको उनको भनाइ छ । एकै हप्ता दुई वा शोभन्दा धेरै नेपाली चलचित्र रिलिज हुँदा अपेक्षित शो उपलब्ध गराउन नसकिएको भाष्करले बताएका छन् ।
“या हप्त नेपाली सिनेमा धेरै भएर सबैलाई सोचेको जस्तो शो दिन मिलेन । निर्माताहरू र उनका वितरकले तीन÷तीनवटा सिनेमा जुधाउँदा कस्तो समस्या हुन्छ भन्ने वास्ता नगरेर पनि यो समस्या आएको हो,” भाष्कर सामाजिक सञ्जाल फेसबुकमा लेख्छन्, “शोहरू विकेन्डको पफर्मेन्स र त्यसको ट्रेन्ड हेरेर निर्धारण हुने हो । अगस्त्यको शो अहिलेको सन्दर्भमा ठिक हो भन्ने लाग्छ । डिल डेको अकुपेन्सी हेरेर मिसक्यालकुलेट नगर्न आग्रह छ ।”
तीनवटा सिनेमा एकै दिन रिलिज नभएको भए ‘रंगेली’लाई केही बढी शो दिन सकिने उनको भनाइ छ । हिन्दी र नेपाली सिनेको शो शुक्रबारको पफर्मेन्स हेरेर मिलाउने प्रयास गर्ने पनि भाष्करले बताएका छन् ।
आफ्नो सिनेमालाई शो धेरै दिएको सन्दर्भमा उनले प्रष्टिकरण दिँदै भनेका छन्, “ सुन्तली बारेमा मैले सकेसम्म फिल्म नभएको बेलामा कसैसँग नजुदाउँने गरी रिलिज गरेको थिएँ । नचलेपछि मैले नै सबै हलमा उतार्न र शो घटाउन अनुरोध गरेको थिएँ ।”
