काठमाडौं । त्रिदेशीय ट्वान्टी–२० शृंखलाको फाइनलमा नेदरल्यान्ड्सविरुद्ध नेपालले पहिलो ब्याटिङ पावर प्लेमा ५० रन पूरा गरेको छ ।

कीर्तिपुरस्थित त्रिवि क्रिकेट मैदानमा टस जितेर ब्याटिङमा आएको नेपालले ६ ओभरको खेल समाप्त हुँदा एक विकेट गुमाएर ५५ रन बनाएको छ । 

हाल नेपालबाट क्रिजमा रहेका आसिफ सेख २९ र कप्तान रोहितकुमार पौडेल ६ रनमा खेलिरहेका छन् । त्यसअघि नेपालले कुशल भुर्तेललाई व्यक्तिगत २० रनमा गुमाएको थियो ।

ट्वान्टी–२० विश्वकपको तयारीस्वरुप आयोजित शृंखलामा नेपाल र नेदरल्यान्ड्ससँगै नामिबियाको सहभागिता थियो ।