काठमाडौं । माछापुच्छ्रे बैंकले डिजिटल माध्यमबाट भएका कारोबारमध्ये कुनै कारोबार असफल भएमा मोबाइल बैंकिङ एप र वेबसाइटमार्फत बैंकमा रिर्पोट गर्न मिल्ने सुविधा सञ्चालनमा ल्याएको छ ।

जसअन्तर्गत असफल भएको कारोबारलाई रिपोर्ट गरी त्यसको प्रोग्रेस कुन चरणमा पुगेको छ भन्ने कुराको अपडेट हेर्न सकिने बैंकले जनाएको छ । त्यसलगतै असफल कारोबारको समस्या समाधानपछि रकम फिर्ता भएको जानकारी मेसेज र ईमेलबाट ग्राहकलाई गराइने छ ।

असफल डिजिटल कारोबारहरू जहाँ कहीँ बसेर बैंकमा जानकारी गराई रकम खातामा फिर्ता लिनका लागि ग्राहक बैंकसम्म आउनुपर्ने, फोन गरिरहनुपर्ने झन्झटबाट मुक्त गराउन यो सुविधा प्रदान गरेको बैंकले जनाएको छ ।

यसअन्तर्गत ग्राहकले आफ्नो मोबाइल बैंकिङ एपको प्रयोग गरेर स्टेटमेन्ट बटनमा गई असफल कारोबारको बारेमा रिर्पोट गर्न सक्ने छन् । यसरी ग्राहकको रिर्पोट प्राप्त भएपछि बैंकले उक्त कारोबारको बारेमा आवश्यक प्रक्रिया अगाडि बढाउने र असफल भएको प्रमाणको आधारमा ग्राहकको खातामा सम्बन्धित रकम आफैँ फिर्ता गर्नेछ ।