काठमाडौं । एकल व्यक्तित्वको हक हितका लागि विभिन्न किसिमका कार्य गर्ने दृष्टिकोणकासाथ स्थापित ‘एकल व्यक्तित्व समाज’ विधिवत रूपमा सञ्चालनमा आएको छ ।
बिहीबार प्रज्ञा प्रतिष्ठानमा आयोजित कार्यक्रममा प्रतिनिधिसभाका उपसभामुख इन्दिरा रानाले संस्थाको उद्घाटन गर्दै समाजद्वारा प्रकाशित स्मारिका ‘अभिवादन’ को विमोचन गरिन् ।
कार्यक्रमलाई सम्बोधन गर्दै उपसभामुख रानाले नयाँ सोचकासाथ स्थापित यस संस्थामा परिपक्व व्यक्तिहरू रहेकाले तिनले संस्था र एकल व्यक्तित्वको हितमा काम गर्ने विश्वास व्यक्त गरिन् । उनले आउने पिँढीलाई यस संस्थाबाट हुने कामले केही सिकाउँदै अभिप्रेरित गर्ने बताइन् ।
समाजका अध्यक्ष कपिल लोहनीले कुनै पनि रूपमा एकल रहेका व्यक्तित्वहरूको हितमा समाजले काम गर्ने बताए । उनले संस्थाबाट गर्न खोजिएका कामका विषयमा पनि जानकारी दिए ।