काठमाडौं । नेपाल जग्गा तथा आवास विकास महासंघले जग्गा तथा आवास विकास कार्यक्रम सञ्चालनका निम्ति कानुन बनाई चाँडो कार्यान्वयनमा ल्याउन माग गरेको छ । शनिबार उपप्रधान एवं सहरी विकासमन्त्री प्रकाशमान सिंहलाई भेटेर महासंघका पदाधिकारीले यस्तो माग गरेका हुन् ।

भेटबारे जानकारी दिँदै महासंघका अध्यक्ष भेषराज लोहनीले सहरी ऐन छिटोभन्दा छिटो पारित गर्न माग गरिएको बताए । उनले काठमाडौं उपत्यका विकास प्राधिकरणले ‘ल्यान्ड पुलिङ’को काम गरिरहेको भन्दै त्यसमा निजी क्षेत्रलाई समेत सहभागी गराउन आग्रह गरिएको जानकारी दिए ।

टुक्रे आयोजना निष्क्रिय गरेर ठूलामा निजी क्षेत्रलाई काम गर्ने वातावरण बनाउन पनि माग गरिएको उनले बताए । न्युज एजेन्सी नेपाल