काठमाडौं । लागुऔषध नियन्त्रण ब्युरोको टोलीले सेफ्टी ट्याङ्करमा लुकाएर राखेको लागुऔषध बरामद गरेको छ ।

ब्युरोको टोलीले विशेष सूचनाको आधारमा काठमाडौंको गोकर्णेश्‍वर नगरपालिका–५ जम्मुडाँडास्थित सडक किनारमा रोकेर राखेको ना ८ख २०२२ नम्बरको सेफ्टी ट्याङ्करको सिटमुनिबाट ४७५ बोतल लागुऔषध फेला परेको हो ।

लागुऔषधसहित ट्याङ्कर चालक सर्लाही हरिवनका ३४ वर्षीय नविन मोक्तानलाई पक्राउ गरिएको छ । प्रहरीले थप अनुसन्धान जारी राखेको छ ।