काठमाडौं । टाटा मोटर्सले नेपाली बजारमा नेक्सन र टियागो विद्युतीय गाडी (ईभी)को मूल्य नघट्ने बताएको छ ।

कम्पनीले भारतमा टाटा नेक्सन के३ र टाटा टियागो टियागा ईभी मिडियम रेञ्ज नेपालमा आउन नै बाँकी रहेको बताएको छ । नेपालका लागि टाटा मोटर्सको अधिकारिक वितरक सिप्रदी ट्रेडिङ हो ।

नेपाली बजारमा उपलब्ध टियागो ईभीको भेरियन्टमा १५ हजार रुपैयाँ मात्र घटेको छ । उक्त गाडी नाडा ‘अटो सो’देखि नै ‘इन्ट्रोडक्टरी’ मूल्यमा उपलब्ध गराइरहेको कम्पनीको भनाइ छ ।

यसबीचमा भारतमा मूल्य बढ्दा पनि सिप्रदीले पुरानै मूल्यमा गाडी उपलब्ध गराएकाले टियागो ईभीको मूल्य यथावत् रहने कम्पनीको भनाइ छ ।

हाल नेपालमा टाटा टियागो लङ रेन्ज २५ लाख ४९ हजार रुपैयाँदेखि २७ लाख ९९ हजार रुपैयाँमा उपलब्ध छ । यस्तै, टाटाको नेक्सन इभी ४५ लाख ९९ हजार रुपैयाँमा उपलब्ध छ ।