काठमाडौं । व्यवसायी ज्ञानेन्द्र खड्काले आफूलाई अपहरणमा पारेर करोडौँको फिरौतीको कागज गराएको आरोप लगाएका छन् ।

बुधबार सामाजिक सञ्जालमा एक विज्ञप्ति जारी गर्दै उनले नेपाली कांग्रेसका केन्द्रीय सदस्य गणेश लामा र सहदेव कक्षपतिले आफूलाई अपहरण गरेको आरोप लगाएका हुन् ।

ललितपुरको धोलाहिटी आदर्श टोलबाट अपहरण गरेर आफूलाई सानेपास्थित लन्डन हाउसमा गत पुस २३ गते आठ घन्टा बन्धक बनाएको खड्काले बताएका छन् । 

त्यसक्रममा धम्की एवं डरत्रास देखाएर करकाप गरी फिरौती स्वरुप करोडौँको लेनदेनको कागज गराएको उनले विज्ञप्तिमा उल्लेख गरेका छन् ।

ई–कमर्स प्लेटर्फम ग्यापुका संस्थापक समेत रहेका खड्काले सुरक्षाका कारण यो विषय सार्वजनिक गर्न ढिला भएको जनाएका छन् ।

यस विषयमा खड्काले लामाविरुद्ध उपत्यका अपराध अनुसन्धान कार्यालयमा जाहेरी दिएका छन् । खड्काको जाहेरी ललितपुर परिसरलाई पठाइदिएको कार्यालय स्रोतले जनाएको छ ।

यस्तो छ व्यवसायी खड्काले फेसबुकमा सार्वजनिक गरेको विज्ञप्ति