काठमाडौं । क्यापिटल मर्चेन्ट तथा फाइनान्स कम्पनी लिमिटेडको रकम हिनामिना प्रकरणमा दोषी ठहर भएका रामभक्त थापालाई प्रहरीले पक्राउ गरेको छ ।

नेपाल प्रहरीको केन्द्रीय अनुसन्धान ब्युरो (सीआईबी)को टोलीले घोटाला प्रकरणका दोषी काभ्रेपलाञ्चोकको पनौती नगरपालिका–६ का थापालाई गएको शुक्रबार कोटेश्वरबाट नियन्त्रणमा लिएको हो ।

थापाले काभ्रे ब्रोइलर सप्लायर्स नामक प्राइभेट फर्मको फर्जी कागजात तयार गरी क्यापिटल मर्चेन्ट तथा फाइनान्स कम्पनी लिमिटेडको आठ करोड ५० लाख रुपैयाँ कर्जा लिएर दुरुपयोग गरेको खुलेको थियो ।

उक्त अभियोगमा उच्च अदालत पाटनले ०७१ मा थापालाई तीन वर्ष कैद र नौ करोड सात लाख ३७८ रुपैयाँ जरिवाना असुल गर्ने आदेश गरेको थियो । त्यसयता थापा फरार थिए ।