काठमाडौं । अमेरिकी राष्ट्रपति जो बाइडेनले आफ्नो स्मरणशक्ति ठीक रहेको बताएका छन् । बाइडेनले सरकारी महत्वपूर्ण कागजातको गलत प्रयोग गरेको विषयमा अनुसन्धान रिपोर्ट सार्वजनिक भएको छ । उनले आफ्नो जीवनका मुख्य घटना सम्झन संघर्ष गर्ने गरेको बताएका छन् ।
बिहीबार साँझ बाइडेनले आफ्नो स्मरणशक्ती राम्रो रहेको बताएका हुन् । उनले आफ्नो छोराको मृत्यु भएको कुरा सम्झिन नसक्ने दाबीको विषयमा बाइडेनले आक्रोश व्यक्त गरेका छन् । उनले यो कुरा उठाउनसक्ने हिम्मत कसरी भयो भन्दै प्रश्नकर्ताप्रति निराशाजनक तरिकाले प्रतिक्रिया दिएका छन् ।
अमेरिकी न्याय विभागका विशेष सल्लाहकार रोबर्ट हुरले उपराष्ट्रपति बनेपछि बाइडेनले अफगानिस्तानमा सैन्य र विदेश नीतिसँग सम्बन्धित कागजात अनुचित रूपमा राखेको ठहर गरेका छन् ।
३४५ पृष्ठको प्रतिवेदनले बाइडेनको स्मरणशक्तिमा समेत प्रश्न गरेको छ । यो अनुसन्धानको सोधपुछका क्रममा हुरले बाइडेनसँग पाँच घण्टा लामो अन्तर्वार्ता लिएका थिए ।