site stats
बाह्रखरी :: Baahrakhari
देश
Global Ime bankGlobal Ime bank
पुल्चोक स्क्वायर होटेलका अर्का सञ्चालक पक्राउ, पीडित परिवारको प्रदर्शन
फाइल तस्बिर ।

काठमाडौं । ललितपुरको पुल्चोकस्थित स्क्वायर होटेलका अर्का सञ्चालक रोमी अर्याललाई प्रहरीले थुनामा राखेको छ ।

यही माघ ६ गते ललितपुर प्रहरीले होटेलका सञ्चालकमध्ये ललिता देवकोटा भण्डारीलाई पक्राउ गरेको थियो । उनी तीन दिन थुनामा रहिन् । ललितपुर जिल्ला अदालतले हाजिरी जमानीमा छोड्ने आदेश दिएसँगै उनी थुनामुक्त भएकी थिइन् ।

अर्याल भने फरार थिइन् । उनी सोमबार (हिजो) साँझ आफैँ प्रहरी कार्यालयमा पुगेकी हुन् । अर्यालमाथि थप अनुसन्धान गर्न आज अदालतबाट म्याद थपका निम्ति प्रक्रिया अगाडि बढाइएको ललितपुर प्रहरीका एसपी नवराज कार्कीले जानकारी दिए ।

गएको भदौमा जावलाखेलका सजीलमान शाक्य होटेल स्क्वायरको स्वीमिङ पुलमा करेन्ट लागेर बेहोस भएका थिए । त्यसपछि सजीलका परिवारले प्रहरीमा सञ्चालकविरुद्ध ज्यान मार्ने उद्योगमा उजुरी दिएका थिए ।

उजुरीपछि होटेल सञ्चालक दुवैजना पक्राउ परेका हुन् । हाल सजीलमान कोमामा पुगेका छन् ।

पीडित परिवारले कारबाहीको मागसहित आज जिल्ला प्रशासन कार्यालय ललितपुरमा ज्ञापनपत्र बुझाउने कार्यक्रम छ । त्यसलगत्तै होटेलअगाडि धर्ना दिइने आफन्तजनले बताएका छन् ।

जिल्ला प्रशासन कार्यालयअगाडि करिब तीन हजारको संख्यामा पीडित परिवारका तर्फबाट मानिस भेला भएका छन् ।

प्रकाशित मिति: मंगलबार, माघ २३, २०८०  १२:२५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro