नयाँ दिल्ली । भारतको राजधानी दिल्लीमा सोमबार भएको भीषण आगलागीमा ४०० भन्दा बढी निजी सवारीसाधन जलेर नष्ट भएका छन् ।

उत्तरी दिल्लीको वजिराबाद प्रहरी स्टेसनको एउटा भण्डारमा आगलागी भएको स्थानीय अग्नि सेवा विभागले जनाएको छ । आगलागी हुँदा गाडीहरू गोदाममा थिए ।

 आगो निभाउन दमकललाई दुई घण्टा लागेको थियो । 

आगलागीमा नष्ट भएका सवारी साधनलाई स्थानीय प्रहरीले ट्राफिक नियम उल्लंघन गरेको र सडक दुर्घटनामा संलग्न रहेको भन्दै नियन्त्रणमा लिएको बुझिएको छ ।

आगलागीको कारण भने खुलेको छैन । रासस/सिन्ह्वा