काठमाडौं । रोमाञ्चक खेलमा इराकलाई ३–२ ले हराउँदै जोर्डन एएफसी एसियन कपको क्वार्टरफाइनलमा प्रवेश गरेको छ ।

आइतबार कतारको खलिफा अन्तर्राष्ट्रिय रंगशालामा भएको खेलमा २–१ ले पछि परेको अवस्थ उल्ट्याउँदै जोर्डनले अन्तिम–८ मा स्थान निश्चित गर्‍यो ।

पहिलो हाफको इन्जुरी समयमा याजन अल–नैमतीले गोल गर्दै जोर्डनलाई अग्रता दिलाएका थिए । तर, ६८औँ मिनेटमा साद नातिकले गोल फर्काउँदै इराकलाई बराबरीमा ल्याए । त्यसको आठ मिनेटपछि नै आयुमेन हुसैनको गोलमा इराकले २–० को अग्रता बनाएको थियो । 

तर, इन्जुरी समयको अन्तिम मिनेट सम्हालिन नसक्दा सन् २००७ को च्याम्पियन स्तब्ध बन्यो । इन्जुरी समयको पाँचौँ मिनेटमा याजन अल अरबीले गोल गर्दै जोर्डनलाई खेलमा फर्काएका थिए । त्यसको दुई मिनेटपछि नै निजार अल–रासदानले गरेको गोल निर्णायक बनेपछि जोर्डनले अन्तिम–८ को यात्रा पक्का गर्‍यो ।

खेलमा दुवै टिमका समान एक खेलाडीले रातो कार्डको दर्शन गरेपछि दुवै टिम १०–१० खेलाडीमा समेटिएका थिए । ७७औँ मिनेटमा इराकका आयुमेन हुसैन र इन्जुरी समयमा जोर्डनका हम्जा अल–दार्दोउर रातो कार्डको दर्शन गरेका थिए ।