काठमाडौं । अनर एक्स९बी फाइभजी फोन नेपाली बजारमा सार्वजनिक भएको छ ।

‘द अनब्रेकेबल स्मार्टफोन’ ट्यागलाइनको अनर एक्स९बी बलियो डिस्प्लेका निम्ति विश्वभर प्रख्यात छ । यसलाई एसजीएसबाट फाइभस्टार प्रदान गरिएको छ । अनर एक्स९एभन्दा क्यामेरा, ब्याट्रीलगायत सबै पक्षमा अनर एक्स९बी अपग्रेटेड रहेको कम्पनीले जनाएको छ ।

अनर एक्स९बीमा अनर अल्ट्रा–बाउन्स एन्टी–ड्रप प्रविधि समावेश छ । यसले स्मार्टफोन क्षेत्रमै पहिलोपटक एसजीएसबाट फाइभस्टार रेटिङ पाएको कम्पनी जनाएको छ ।

अनर एक्स९बीमा १०८ एमपी अल्ट्रा–क्लियर क्यामेरा, पाँच एमपी अल्ट्रा–वाइड क्यामेरा र दुई एमपी म्याक्रो क्यामेरा गरी ट्रिपल क्यामेरा छ । फोनमा टिकाउ र लामो समयसम्म चल्ने ५,८०० एमएएच ब्याट्रीको उपलब्ध छ । जनवरी २१ देखि यसको प्रि–बुकिङ सुरु गरिएको थियो ।

अनर एक्स नाइन बीको मूल्य ४३ हजार ९९९ रुपैयाँ तोकिएको छ ।