![माछापुच्छ्रे बैंकको ब्याज आम्दानीसँगै घट्यो नाफा](https://12khari.top/uploads/posts/Machhapuchhre-bank1631600281.jpg)
काठमाडौं । चालु आर्थिक वर्ष २०८०/०८१ को दोस्रो त्रैमाससम्म माछापुच्छ्रे बैंक लिमिटेडको नाफा घटेको छ । बैंकले शुक्रबार सार्वजनिक गरेको अपरिस्कृत वित्तीय विवरणअनुसार गत आर्थिक वर्षको दोस्रो त्रैमाससम्मको तुलनामा नाफा घटेको हो ।
बैंकले पुस मसान्तसम्म ८० करोड ५३ लाख रुपैयाँ नाफा आर्जन गरेको छ । गत वर्षको सोही अवधिमा बैंकले एक अर्ब दुई करोड ५२ लाख रुपैयाँ नाफा आर्जन गरको थियो । गत वर्षको तुलनामा नाफा २१.४४६४ प्रतिशतले घटेको छ ।
बैंकले पुस मसान्तसम्म दुई अर्ब ६३ करोड ७४ लाख रुपैयाँ ब्याज आम्दानी गरेको छ । गत वर्षको सोही अवधिसम्म दुई अर्ब ७९ करोड २९ लाख रुपैयाँ ब्याज आम्दानी गरेको थियो । बैंकले ब्याज आम्दानी ५.५६४४ प्रतिशतले घटेको छ ।
बैंकको खराब कर्जा गत वर्ष १.४१ प्रतिशत थियो । तर, यो वर्षको सोही अवधिमा २.६२ प्रतिशत पुगेको छ । बैंकले पुस मसान्तसम्म एक खर्ब २९ अर्ब ९१ करोड २९ लाख रुपैयाँ कर्जा लगानी गरेको छ । गत वर्षको पुस मसान्तसम्म बैंकले एक खर्ब २६ अर्ब १३ करोड ७६ लाख रुपैयाँ कर्जा लगानी गरेको छ ।
त्यस्तै, पुससम्म एक खर्ब ५२ अर्ब ४८ करोड रुपैयाँ निक्षेप संकलन गरेको छ भने गत वर्षको सोही अवधिमा एक खर्ब ५३ अर्ब ९१ करोड रुपैयाँ निक्षेप संकलन गरेको थियो ।
हाल बैंकले चुक्तापुँजी ११ अर्ब ६२ करोड १३ लाख रुपैयाँ छ ।