काठमाडौं । भुक्तानी प्रणाली सञ्चालक फोन पेको क्यूआर भुक्तानीमा देखिएको समस्या समाधान भएको छ । बुधबार बिहानदेखि फोन पेको क्यूआर कोडमार्फत भुक्तानी गर्न खोज्दा भुक्तानी नहुने समस्या देखिएको थियो ।

दिउँसो करिब १ बजेतिर उक्त समस्या समाधान भएको हो । फोन पेको क्यूआर प्रयोग गरी विभिन्न बैंकमार्फत भुक्तानी गर्न खोज्दा भुक्तानी नहुने समस्या देखिएको थियो ।

समस्या थाहा हुने बित्तिकै प्राविधिक टिमले काम थालेको र अहिले समाधान भइसकेको फोन पेका चिफ अपरेटिङ अफिसर (सीओओ) पारस कुँवरले बताए ।

क्यूआर स्क्यान गर्दा फोन पेसँग हुनुपर्ने सम्पर्क स्थापित हुन नसकेर भुक्तानी नहुने समस्या देखिएको थियो । फोन नम्बर हानेर हुने भुक्तानी र वालेटहरूमा रहेको फोन पेको क्यूआरमार्फत हुने भुक्तानीमा भने समस्या आएको थिएन ।