काठमाडौं । कांग्रेस संसदीय बोर्डको बैठकबाट बाहिरिएका शेखर कोइराला फिर्ता भएका छन् ।  राष्ट्रियसभा निर्वाचनका उमेदवार तय गर्न बसेको बोर्डको बैठकमा संस्थापन पक्ष तीन सिट मात्र दिन तयार भएपछि शेखर बाहिरिएका थिए ।

शेखर समूहले पार्टीले गठबन्धनबाट पाएका १० सिटमध्ये चार सिट आफूहरूले पाउनुपुर्ने अडान लिएको छ । तर, पार्टी सभापति शेरबहादुर देउवाले तीन सिट मात्र दिन सकिने रटान नछाडेपछि शेखर बाहिरिएका थिए ।

तर, देउवा निकट नेता रमेश लेखकले शेखरलाई फोन गरेका थिए । "तपाईं फर्किनुहोस् । तपाईंबिना सहमति नगरी हामी अघि बढ्दैनौँ," लेखकले फोनमार्फत शेखरलाई भनेका थिए ।

उनको फोनपछि उनी बीच बाटोबाटै फर्किएका हुन् ।

फर्किएलगत्तै उनले अहिले सभापति देउवासँग छलफल गरिरहेका  छन् । अहिले देउवाको कक्षमा शेखर–देउवाबीच छलफल भइरहेको छ ।