काठमाडौं । नेकपा (एकीकृत समाजवादी)को सचिवालय बैठकमा विधान संशोधनको प्रस्तावमाथि छलफल जारी छ । सोमबार बैठकमा प्रस्तुत भएको प्रस्तावमाथि मंगलबार पनि छलफल भएको हो । 

बैठक पार्टी केन्द्रीय कार्यालय आलोकनगरमा बसिरहेको छ । सोमबारको बैठकमा उपाध्यक्ष वेदुराम भुसालले विधान मस्यौदाको प्रस्ताव पेस गरेका थिए ।

भुसालको संयोजकत्वमा महासचिव घनश्याम भुसाल र उपमहासचिव प्रकाश ज्वाला सदस्य रहेको कार्यादलले विधान संशोधनको प्रस्ताव गरेको हो । ७० वर्षे उमेरहद नराख्ने, अरु उमेर समूहकालाई कसरी समेट्ने भन्ने प्रस्ताव राखिएको नेताहरू बताउँछन् ।