काठमाडौं । साविक विजेता अर्जेन्टिना आगामी वर्ष अमेरिकामा हुने कोपा अमेरिका–२०२४ को समूह ‘ए’ मा परेको छ । 

प्रतियोगिताका लागि शुक्रबार बिहान भएको समूह विभाजनअनुसार अर्जेन्टिना समूह ‘ए’ मा परेको हो । यो समूहमा साविक विजेतासँगै पेरु, चिली र उत्तर अमेरिकी छनोटको प्लेअफबाट आउने पाँचौँ टिम छन् ।

साविक विजेता अर्जेन्टिनाले आगामी जुन २० मा प्लेअफ विजेता (क्यानडा र ट्रिनिडाड एन्ड टोबागो) विरुद्ध खेल्दै प्रतियोगिताको सुरुआत गर्नेछ । 

यस्तै, १५ पटकको विजेता उरुग्वे समूह ‘सी’ मा र १० पटकको विजेता ब्राजिल समूह ‘डी’ मा परेका छन् । प्रतियोगितामा आगामी वर्षमा कुल १६ टिमले सहभागिता जनाउनेछन् । अमेरिकाका विभिन्न सहरमा आयोजना हुने प्रतियोगिता जुन २० देखि जुलाई १४ सम्म सञ्चालन हुनेछ । 

यसअघि ब्राजिलमा सम्पन्न प्रतियोगिताको गत संस्करणको उपाधि अर्जेन्टिनाले जितेको थियो । 

कोपा अमेरिका समूह विभाजन
समूह ‘ए’ : अर्जेन्टिना, पेरु, चिली, कोन्काकाफ प्लेअफ–५
समूह ‘बी’ : मेक्सिको, इक्वेडर, भेनेजुएला, जमैका 
समूह ‘सी’ :अमेरिका, पानामा, उरुग्वे, बोलिभिया 
समूह ‘डी’ : ब्राजिल, कोलम्बिया, पराग्वे, कोन्काकाप प्लेअफ–६