काठमाडौं । एक्सन स्टार बिराज भट्टले नयाँ चलचित्र ‘१२ गाउँ’ निर्माणको घोषणा गरेका छन् । 

चलचित्र एक्सन थ्रिलर जानरामा निर्माण हुने उनले जानकारी दिएका छन् । बिराज भट्ट फिल्म प्रोडक्सनद्वारा चलचित्र निर्माण हुनेछ । 

“यो नेपाली चलचित्र उद्योगकै अहिलेसम्मकै ठूलो एक्सन मुभी हुनेछ,” बिराजले बाह्रखरीसँग भने, “यसका हामी तयारी गरिरहेका छौँ । ठूलो बजेटमा ठूलो एक्सन मुभी हुनेछ ।” 

चलचित्रको मुख्य भूमिकामा आफू स्वयं रहने बिराजले जानकारी दिए । “मुख्य भूमिकामा म आफैँ हुनेछु, अपोजिटमा को हुनेछ त्यो भने कुरा भइरहेको छ,” उनले भने । 

चलचित्र ‘१२ गाउँ’ बिराज स्वयंले निर्देशन गर्नेछन् । “अहिले हामी स्क्रिप्ट र कलाकार छनोटको तयारीमा छौँ,” उनले भने, “यसबारे हामी थप जानकारी दिँदै जानेछौँ ।”    

यसअघि उनले चलचित्र ‘साङ्लो’ निर्माण गरेका थिए । यसको निर्देशक बिराज स्वयंले गरेका थिए ।