काठमाडौं । कैलालीमा कुटपिटबाट एकजनाको मृत्यु भएको छ । 

घोडाघोडी नगरपालिका–२ बस्ने २६ वर्षीय मोहन अधिकारीको गएराति कुटपिटबाट मृत्यु भएको हो । 

कुटपिटमा संलग्न रहेको आरोपमा प्रहरीले सातजनालाई पक्राउ गरेको छ । लम्कीचुहा नगरपालिका–९, घोराघाट बस्ने २३ वर्षीय विवेक भुल समेतलाई प्रहरीले पक्राउ गरेको हो । 

लम्कीचुहा नगरपालिका–९, घोराघाटस्थित आफन्तको विवाहमा आएका मोहनलाई विवेक लगायतका व्यक्तिहरूले कुटपिट गर्दा गम्भीर घाइते भएका थिए ।

घाइते भएका उनलाई उपचारको लागि लालरत्न अस्पताल हुँदै टिकापुर अस्पताल कैलाली लगिएकोमा उपचारको क्रममा मृत्यु भएको प्रहरीले जनाएको छ ।